तिलोत्तमा । भदौ १७ गते । नेपाल मगर संघ तिलोत्तमा ९ र क्रिमसन अस्पताल मणिग्रामबीच स्वास्थ्य सुबिधामा छुट गर्ने बारे सम्झौता भएकोे छ । अस्पतालमा आयोजित विशेष कार्यक्रमका बीच अस्पताल प्रशासन र नेपाल मगर संघ तिलोत्तमा ९ का प्रतिनिधि बिच सर्त सहितको सर्वसुलभ स्वास्थ्य उपचार सेवा उपलब्ध गराउने विषयमा लिखित सम्झौता भएको अस्पतालका जनसम्पर्क अधिकृत चन्द्रकान्त बस्यालले बताए । सम्झौतासंगै अब नेपाल मगर संघ तिलोत्तमा ९ मा आवद्ध संघका सदस्यहरुले अस्पतालले दिने सेवा शुल्कमा १० प्रतिशत छुट पाउने भएका छन् । छुट सहितको उपचार सेवा लिन नेपाल मगर संघ तिलोत्तमा ९ का सदस्यहरुले प्रिभिलेज कार्ड बनाउनु पर्नेछ । साथै मगर संघमा आबद्ध अति बिपन्न बर्गलाई मगर संघले सिफारिश गरेको खण्डमा बेड र ल्याबमा समेत निशुल्क सेवा प्रदान गर्न सकिने अस्पतालका निर्देशक डा शेखर पोख्रेलले जनाए । सम्झौताका अवसरमा नेपाल मगर संघ तिलोत्तमा ९ का अध्यक्ष धन बहादुर सारु मगर,, उपाध्यक्ष मनिषा राना मगर, अस्पतालका अध्यक्ष दुर्गा प्रसाद पाण्डे, निर्देशक डा शेखर पोख्रेल, जनसम्पर्क अधिकृत चन्द्रकान्त बस्याल लगायतको सहभागिता रहेको थियो ।
